كه‌ش و هه‌وا    كوردى    عربي    16 / 12 / 2017 11:27 PM
وەزیری كشتوكاڵ و سەرچاوەكانی ئاو پێشوازی لە كونسوڵی گشتیی هەنگاریا كرد پێشنیارێك بۆ واژۆكردنی یاداشتی لێكگەیشتن لە بواری كشتوكاڵ و ئاودا

بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە چابا ڤێزێكیینی كونسوڵی گشتی هەنگاریا لە هەرێمی كوردستان بە یاوەریی خاتوو ئەرژیبێت ڤێزێكیینی بەڕێوەبەری پەیوەندییەكانی بازرگانی كونسوڵخانەكە، لە دیدارێكدا كە بەڕێوەبەرانی گشتیی دیوان و باخداری و دارستان ئامادەی بوون، سەرەتا كونسوڵی گشتی هەنگاریا ئامانجی سەردانەكەی خستەڕوو، كە بریتی بوو لە كاركردنی هاوبەش بۆ پەرەپێدانی هەماهەنگیی نێوان وەزارەت و وڵاتی هەنگاریا لە بوارە جیاحیاكانی كشتوكاڵدا، ئاماژەشی بە رۆڵی وڵاتەكەی كرد لە پشتیوانیكردن لە هێزی پێشمەرگەی كوردستان لە شەڕی دژ بە تیرۆریستان و ئەنجامدانی راهێنان و ناردنی بریندارەكانی پێشمەرگە بۆ هەنگاریا بەمەبەستی چارەسەركردنیان، جەختیشی كردەوە لەسەر ئامادەیی كۆمپانیاكانی وڵاتەكەی بۆ هەناردەكردنی گۆشتی حەڵاڵ و دامەزراندنی كارگەی شیرەمەنی لە هەرێمی كوردستان، داوای رەزامەندی و هاوكاریی وەزارەتی كرد بۆ ئەنجامدانی رێكاری پێویست بۆ ئەم بوارە، خاڵێكی گرنگی دیدارەكە بریتی بوو لە پێشنیارێك تایبەت بە هێڵە گشییەكانی یاداشتنامەیەكی لێكگەیشتی كشتوكاڵی و سەرچاوەكانی ئاو كە كونسوڵی گشتیی هەنگاریا پێشكەشی وەزیری كرد بۆ ئەوەی لە ئاییندەدا دوای دیراسەكردن واژۆی بكەن، لەلای خۆیەوە وەزیری كشتوكاڵ و سەرچاوەكانی ئاو وێڕای خۆشحاڵیی بەم خاڵانەی باسكران، سوپاسی حكومەتی هەنگاریای كرد لە بواری یارمەتیدانی هێزی پێشمەرگە، هاوكات گوتیشی: وەزارەت خوازیارە دوای دیراسەكردنی هێڵە گشتییەكانی یاداشتەكەو پرس و راوێژ لەگەڵ پسپۆڕان ئەم هەنگاوە پەسندبكەن، دەربارەی دامەزراندنی كارگەی بەرهەمی كشتوكاڵی و ئاژەڵی روونی كردەوە كە ئەوەی بە وەزارەت بكرێت ئاسانكارییان بۆ دەكەن و پێویستە مەرجییان تێدابێت و بەپێی رێنماییەكان بێت، بەڵام هەندێ رێوشوێنی دیكە هەیە بۆ دامەزراندنی كارگەكان كە پەیوەندییان بە وەزارەتی پیشەسازی و بازرگانییەوە هەیە، لە كۆتاییدا هەر دوو لا كۆك بوون لەسەر بەردەوامبوونی پەیوەندییەكان لە ئاییندەدا بۆ سەرخستنی ئەم هەماهەنگی و هاوكارییە.

نوسراوه‌ له‌ به‌روارى 28/11/2017       ئه‌م لاپه‌ڕه‌يه‌ ‌ 31 جار بينراوه‌

-  ئه‌م لاپه‌ڕه‌يه‌ چاپ بكه‌  

هه‌واڵى هاوپێچ
ئێمه‌ له‌ فه‌يسبووك
ئێمه‌ بدۆزه‌وه‌
بۆ په‌يوه‌ندى
به‌داله‌: 6512 229 066 / 6513 229 066 / 6514 229 066
به‌شى په‌یوه‌ندییه‌كان: 1294 414 0750
به‌شى راگه‌یاندن: 9625 446 0750
ئيمێڵى وه‌زاره‌ت : info@krg-moawr.org
لينكى پێويست
مافى پارێزراوه‌ بۆ وه‌زاره‌تى كشتوكاڵ و سه‌رچاوه‌كانى ئاو ----------------------- Designed by Engineer: Shapol Madhat