كه‌ش و هه‌وا    كوردى    عربي    16 / 12 / 2017 11:30 PM
وەزیری كشتوكاڵ لەگەڵ بەڕێوەبەرانی گشتیی و راوێژكارانی وەزارەت كۆبۆوە دامەزراندنی رووپێو و پڕۆژەی چارەسەری زێدەڕۆیی و تەسویەو تەملیك باسیان لێوەكرا

بەڕێز عەبدولستار مەجید وەزیری كشتوكاڵ و سەرچاوەكانی ئاو سەرپەرشتی كۆبوونەوەیەكی فراوانی لەگەڵ بەڕێوەبەرانی گشتیی و راوێژكارانی وەزارەتدا كرد، سەرەتا پوختەی ناوەڕۆكی ئەو كۆبوونەوەیەی ئەنجومەنی وەزیرانی هەرێمی كوردستانی باس كرد، بە تایبەتیش ئەو خاڵەی پەیوەست بوو بە سەردانەكەی ئەم دواییەی شاندی سەرۆكایەتیی حكومەت كرد بۆ وڵاتی فەرەنسا، روونیشی كردەوە كە سەردانێكی سەركەوتوو بووە، بە تایبەتی پاریس دووپاتیكردۆتەوە كە بەردەوامدەبێت لە پشتیوانیكردنی كورد و هەوڵەكان بە ئاراستەی گفتوگۆكان لەگەڵ حكومەتی ناوەند، جەختیشكراوەتەوە لەسەر هەندێ داواكاریی دەستووری لەوانە ماددەی 140 و دابینكردنی مافە دەستوورییەكان، سەبارەت بە رێكەوتن لەسەر دەروازە سنوورییەكان عەبدولستار مەجید بۆی باسكردن كە سەرۆكی ئەنجومەنی وەزیران راوبۆچوونی هەرێمی لەم رووەوە خستۆتەڕوو كە ئامادەن خاڵە گومرگییەكان رادەست بكەن بەڵام لە رێی لیژنەی تەكنیكییەوە دوای رێككەوتنی هاوبەشی نێوان هەولێر و بەغدا، تەوەرێكی دیكەی كۆبوونەوەكە تایبەت بوو بە باسكردنی پێویستیی وەزارەت بە (رووپێو) بۆ راپەڕاندنی ئیش و كارەكانی كشتوكاڵ و لەم بارەوە وەزیری كشتوكاڵ دووپاتیكردەوە كە داوای لە سەرۆكی حكومەت كردووە بە هەڵاوێرو بەپێی ناوچەكان چەند رووپێوێك دابمەزرێنێت، ئەویش لەلای خۆیەوە رەزامەندی داوە، دوای ئەوەی كە وەزارەت لە رێی لیژنەیەكی پسپۆڕو شارەزاوە و بەپێی مەرج و سیڤییەكان دەست بەم هەنگاوە دەكات، هەر لە كۆبوونەوكەدا جەختكرایەوە لەسەر پڕۆژەی چارەسەری زێدەڕۆیی و پەیوەست بە تەسویەو تەملیك و بەرزبكرێتەوە بۆ ئەنجومەنی وەزیران، ئەمەو لە كۆبوونەوەكەدا لەلایەن ئامادەبووانەوە راو سەرنج دەربارەی تەوەرەكانی كۆبوونەوەكە گفتوگۆیان لەسەر كرا.

نوسراوه‌ له‌ به‌روارى 06/12/2017       ئه‌م لاپه‌ڕه‌يه‌ ‌ 23 جار بينراوه‌

-  ئه‌م لاپه‌ڕه‌يه‌ چاپ بكه‌  

هه‌واڵى هاوپێچ
ئێمه‌ له‌ فه‌يسبووك
ئێمه‌ بدۆزه‌وه‌
بۆ په‌يوه‌ندى
به‌داله‌: 6512 229 066 / 6513 229 066 / 6514 229 066
به‌شى په‌یوه‌ندییه‌كان: 1294 414 0750
به‌شى راگه‌یاندن: 9625 446 0750
ئيمێڵى وه‌زاره‌ت : info@krg-moawr.org
لينكى پێويست
مافى پارێزراوه‌ بۆ وه‌زاره‌تى كشتوكاڵ و سه‌رچاوه‌كانى ئاو ----------------------- Designed by Engineer: Shapol Madhat